Vrastan

(հոբելյանական հանդիսույթ բանաստեղծի ծննդավայր Հեշտիա գյուղում)

Քիչ ապրեց նա՝ մեծատաղանդ մեր հայրենակիցը՝ ամբողջ էությամբ արվեստագետ՝ բանաստեղծ, արձակագիր, նկարիչ, մանկավարժ, հասարակական գործիչ, հայրենի եզերքի ու հողի անմնացորդ սիրահար-նվիրյալ, իր մարդկային կոչմանը միշտ հավատարիմ Վիկտոր Հովսեփյանը:

… Սեպտեմբերի 23-ին Հեշտիայի երկնակամարում դարձյալ սավառնում էր Վիկտորի աստղը… Պոեզիայի արդեն ավանդական դարձած հովսեփյանական օրն էր։ Օդը լի էր նրա պոեզիայով, շրջապատը՝ լի նրա ձայնով, նրա խոսքով… Նա Կար ասես, ասես շրջում էր գյուղով մեկ, հայացքը հառում իր սիրելի սարերին, հիանում նրանցով, ապա հյուրամեծար ժպիտով մարդկանց հրավիրում իր հոգետուն (ի դեպ, իր առանցքային գրքերից մեկի անվանումն է «Հոգետուն»…)՝ իր տուն-թանգարան՝ իր նկարները դիտելու, իր գրքերի հետ ծանոթանալու…, հետո Մշակույթի տուն ուղեկցում բազմաթիվ ներկաներին՝ իր 65-ամյակի ուրախությունն իր հետ միասին վայելելու, աղուհաց կիսելու…

Ավա՜ղ, ուր էր, եթե իրոք այդպես լիներ… մինչդեռ իրականությունն այն է, որ նրա երկրային կյանքը հիսուն տարի էլ չկազմեց… Եվ սակայն շնորհիվ իր մնայուն գրի հավերժում է ահա նա։
Հավերժական է, այո՚, Վիկտորի Գիրը. որ դեռեւս իր կենդանության օրով էլ էր գնահատվել ոչ միայն հայ, այլեւ վրացի գրողների կողմից, ու նրան՝ մեծ գրող Բ.Սեյրանյանի, գրականագետ Ա.Մխիթարյանի, գրող Մ.Քարամյանի երաշխավորությամբ ընդունել էին Վրաստանի գրողների միության շարքեր, ընդգրկել «Կամուրջ» տարեգրքի խմբագրական խորհրդի կազմում… Հենց այդ Գիրն ու Խոսքն էլ մեծարվեց այդ օրը Հեշտիա գյուղում՝ տարբեր արարողություններով…

ՀԱՂԹՈՂՆԵՐԻ ԹՎՈՒՄ ԵՆ ՀԱՅԱՍՏԱՆՑԻ ԴՊՐՈՑԱԿԱՆՆԵՐ

Արդեն երկրորդ տարին է, ինչ Վրաստանի նախագահի նախաձեռնությամբ՝ Վրաստանի կրթության  եւ գիտության նախարարությունն ու  Շոթա Ռուսթավելու անվան գիտական ֆոնդը համատեղ անց են կացնում պատանի գյուտարարների «Լեոնարդո դա Վինչի» միջազգային մրցույթը, որի նպատակն է խրախուսել գյուտարարական ունակություններով օժտված երեխաներին եւ նպաստել նրանց գործնական հմտություն-կարողությունների  զարգացմանը:

Շոթա Ռուսթավելու ֆոնդի էլեկտրոնային բազայում Վրաստանի հանրային եւ մասնավոր ուսումնական հաստատությունների կողմից գրանցված  299 նախագծից հանձնաժողովը, ցուցադրման համար,  ընտրել էր 36-ը, որին ավելացավ Հայաստանի, Ուկրաինայի եւ Թուրքիայի աշակերտների կողմից ստեղծված 8 նախագիծ: Աշխատանքները վերաբերում էին  ֆիզիկայի, քոիմիայի, կենսաբանության, աստղագիտության առարկայական ուղղություններին, նաեւ՝ գյուղատնտեսության, էներգետիկայի, ինժեներական բնագավառներին:

Վերջին ժամանակներում Վրաստանում անցկացված բարեփոխումներով շատ երկրներ հետաքրքրվեցին։ Այդ թեմայով գրվեցին նաեւ գրքեր։ Վերջերս ազատ համալսարանում կայացավ Համաշխարհային բանկի Եվրոպայի եւ Կենտրոնական Ասիայի տարածաշրջանային տնօրեն Ասադ Ալամի «Հանրային սեկտորում կոռուպցիայի դեմ պայքարը-Վրաստանի բարեփոխումների ժամանակագրությունը» գրքի շնորհանդեսը։

Ո՞րն է բարեփոխումների ինտենսիվ անցկացման նպատակը։  Ինչո՞ւ նվազեց կոռուպցիան եւ ինչո՞ւ են այն հիմա համարում վերնախավային։ Ինչի՞ն է հանգեցնում Վրաստանի առաջընթացը եւ հիմնախնդիրների ծագմանը միջազգային ինդեքսներում, որոնք էին 2007 թվականի նոյեմբերի 7-ի պատճառները, ստեղծվե՞ց արդյոք առկա բարեփոխումների սոցիալական հիմնավորումը եւ վերափոխումներն առաջիկայում որքանո՞վ են շարունակելի։ Այս եւ մյուս հարցերով «Վրաստան» թերթի աշխատակիցը զրուցեց Վրաստանում անցկացվող եւ անցկացվելիք բարեփոխումների հեղինակներից մեկի, ազատ համալսարանի հիմնադիր Կախա Բենդուքիձեի հետ։